Najot

Hech qanday manfaatlarsiz odamlarga yaxshilik qilmoqqa chogʻlangan, bu yoʻlda hatto oʻz jonini fido etishdan qaytmaydigan mard oʻgʻlonlar kamol topgan bu yurtda. Ularning qahramonliklari asrlardan-asrlarga oʻtib, afsonaga aylangan. Oilada tugʻilgan oʻgʻil farzandini yurt koriga yaraydigan, vatani va oilasining xaloskori qilib tarbiyalashni niyat qilgan onajonlarimizga bagʻishlanadi bu kitob. Shuningdek, mehnatim, nomusim, gʻururim bilan el orasida hurmat qozonaman, degan ulugʻ maqsad bilan yashayotgan yosh doʻstlarimiz uchun bu kitob. Azaliy va oʻlmas mavzu yaxshilik va uning inson hayotidagi oʻrni masalasiga bagʻishlangan «Najot» afsona-qissasini e’tiboringizga havola qilishdan maqsadimiz – bugun kamolga yetayotgan, qadr-qimmat masalalari biroz unut boʻlayotgan axborotlashuv asrida yosh doʻstlarimizga ular buyuk avlodning ajdodi ekanliklarini eslatishdan iborat.