Noyabr kuyi

Tuyg'ularning aniq bir shakli yo'q, faqat ifodasi bo'ladi. Kulgu, yig'i, xo'rsiniq kabilar inson his-siyotlarining ifodasidir. Badiiy asarlar ham shunday — ularda inson ko'ngli holatlari tasvirlashga uriniladi. Aslida ham, adabiyot ko'ngilni o'rganishga yo'naltirilgan tadqiqotdir. Mohiyatan shoir sifatida tanilgan Nosirjon Jo'rayevning qissalari, hikoyalari ham fikrlarni lirik ifodalash tarzi bilan bitta ijodiy laboratoriya mahsuli ekani sezilib turadi. Muallifning turli yillarda yozilgan nasriy asarlari ilk bora bir muqovaga jamlanib o'quvchilarga taqdim etilmoqda.