NYURNBERGGA SAYOHAT

XX asr jahon adabiyotining ulkan namoyandalaridan biri Xermann Xesse (1877—1962) eng koʻp mutolaa qilinadigan olmon adiblaridan biridir. Uning koʻplab roman, qissa, hikoyalari, sheʼrlari, siyosiy, adabiy-tanqidiy ruhdagi asarlari chop etilgan. Ular orasida, ayniqsa, «Choʻl boʻrisi», «Marjonlar oʻyini», «Demian» kabi asarlari dovruq qozongan. Adib, shuningdek, maʼnaviy-maʼrifiy yoʻnalishda ham barakali ijod qilgan. «Nyurnbergga sayohat», «Gʻildiraklar ostida» romani, «Kurortdagi kishi» nomli qissasi va safarnomasi, «Kurortdagi kishilar» shular jumlasidandir. Boshqa qoʻlingizdagi ushbu kitobdan Xermann Xessening «Nyurnbergga sayohat» safarnomasi, «Kurortdagi kishi» nomli qissasi va ayrim hikoyalari oʻrin olgan. Safarnomada yozuvchining 1924 yilning kuzida Tessindan Nyurnbergga qilgan sayohati qiziqarli tarzda bayon etiladi. Qissada esa kurort shaharcha Baden bilan bogʻliq voqealar toʻgʻrisida fikr yuritiladi.