Odam boʻlish qiyinmi?

Odam bolasi oʻzining qadr-qimmati va fazilatlari bilangina odam. Agar shu xususiyatlari yoʻqolsa, unday odamni odam deyishga til bormaydi... Ushbu kitobda odamzodning buyuk xilqat ekaniga urgʻu berilayotgani uning nomidan ham koʻrinib turibdi. Odam boʻlish oson yoki qiyinligi haqidagi savol oʻrtaga tashlanar ekan, muallif milliy-maʼrifiy qadriyatlar hamda uzoq yillik hayotiy tajribalari asosida javob berishga harakat qilgan. Insonning maʼnaviy va moddiy turmush tarzini toʻgʻri yoʻlga solish, namunali odob-axloq egasi boʻlish shartlari, odamiylik xususiyatlarini oʻzida saqlay olinishning qiyinchiliklari, odamning oila va jamiyatdagi oʻrni, ruhiy olami, maʼnaviyati va dunyoqarashi kabi masalalar toʻgʻrisida xolis fikr yuritiladi, baʼzi bir mulohazalar ortidan tavsiyalar beriladi. Shuningdek, kitobda odamning sogʻlom turmush tarziga rioya qilib, tana salomatligini saqlab, zararli odatlardan forigʻ boʻlib, umrini uzaytirish borasida ham soʻz boradi. Xullas, kitobda «Odam boʻlish osonmi?» degan savolga javob axtarib, bu ish unchalik oson emasligi taʼkidlanadi, haqiqiy inson boʻlish uchun nimalar qilish kerakligi tushuntiriladi. Kitob insoniylik xislatlariga befarq boʻlmagan barcha oʻqirmanga uchun qiziqarli va samarali boʻladi degan umiddamiz.