Odamlardan tinglab hikoya

Xassos shoirimiz Hamid Olimjon: "Odamlardan tinglab hikoya", "Usar edi shonda goya", deb yozganida mutlaqo haq edi. Taniqli adib Hayriddin Sultonning qoʻlingizdagi kitobi oʻttiz bitta yangi hikoyadan iborat. Toʻplamga kiritilgan hayotnomalar muallif toʻqib chiqargan emas, u faqat odamlardan eshitgan va bor holida qogʻozga tushirgan, xolos. Har bir qahramon taqdirida shundoq yonishimizda yashayotgan turli insonlarning tarixi va qismati, baxtiyu baxtsizligi, quvonch va qaygʻusi oʻzining badiiy ifodasini topgan.