Oddiy ayrilik

O‘zbekiston xalq shoiri Anvar Obidjon nazm, nasr, dramaturgiya, publitsistika singari janrlarda qalam tebratib kelayotgan serqirra ijodkordir. Asarlari yumorga boyligi, ayni chog‘da, falsafiy fikrlarning salmoqdorligi bilan ajralib turadi. Adibning bolalarga, kattalarga atalgan “Juda qiziq voqea”, “Masxaraboz bola”, “Alamazon va Gulmat”, “O‘q o‘tmas bolakay”, “Bahromning hikoyalari”, “Baloga qolgan futbolchi”, “Kulgili tushlar”, “0099 raqamli yolg‘onchi”, “Jajji-jajji kulchalar”, “Yapaloq tovuq”, “Mulla Baqaloq”, “Dahshatli Meshpolvon” kabi kitoblari o‘quvchilar orasida alohida shuhrat qozongan. Ushbu kitobga muallifning biri o‘ta qiziq, biri sarguzashtlarga boy asarlari tanlab kiritildi. Bular orasida jurnalda bosiliboq juda mashhur bo‘lib ketgan Mo‘ttivoy haqidagi qissa ham bor.