OILA – JAMIYAT TAYANCHI

Oʻzbek oilasi tarixi uzoq-uzoq oʻtmishga borib taqaladi. Bugungi kunda mamlakatimizda oila institutini mustahkamlash davlat siyosatining ustuvor yoʻnalishlaridan biriga aylandi. Mazkur monografiyada oila institutini mustahkamlashga oid meʼyoriy-huquqiy hujjatlarning mohiyati, oilada ota-ona, farzand burchi va vazifalari, oila qadriyatlari va ularning bola tarbiyasidagi ahamiyati, shaxs kamolotini belgilovchi fazilatlar, barkamol avlodni maʼnaviy shakllantirish andozasi haqidagi fikr va mulohazalar oʻz ifodasini topgan. U ota-onalar, oilashunos tadqiqotchilar, umumtaʼlim maktablari, oliy oʻquv yurtlari oʻquvchi-yoshlari, oila muammosi bilan shugʻullanuvchi fuqarolik jamiyati institutlari mutasaddilari va keng oʻquvchilar ommasiga moʻljallangan.