OʻLCHOV BIRLIKLARINING IZOHLI LUGʻATI

Fizika, matematika, kimyo, biologiya kabi tabiiy fanlarda uchraydigan oʻlchov birliklari turli davr va turli mamlakatlarda oʻzgacha maʼno-mazmun kasb etgani, ularning miqdor koʻrsatkichlari turlicha qabul qilinganligi, bu birliklarning kelib chiqishi tarixi, muomalaga kiritilishi munosabatlariga qorishgan qiziqarli bir olam. Biz turli adabiyotlarni varaqlaganimizda yoki televideniye orqali kinofilmlar tomosha qilganimizda, radio eshitganimizda “mil”, “akr”, “misqol”, “botmon” kabi terminlarga duch kelamiz, lekin ularning mazmunini hadeganda tushunavermaymiz yoki umuman bilmaymiz. Oʻzbek tilida birinchi marta nashr etilayotgan mazkur “Oʻlchov birliklarining izohli lugʻati” kitobi Siz aziz oʻquvchilarni oʻlchov birliklari olamiga sayohatga chorlab, bu boradagi bilim va koʻnikmalaringizni yanada boyitadi, degan umiddamiz.