OLMOS KAMAR

Pirimqul Qodirovning ushbu asarida 1966-yildagi zilziladan keyin Toshkent shahrini qayta tiklash va metro qurilishi jarayoni badiiy asar koʻrinishida aks ettirilgan. Asarni oʻqir ekansiz, koʻz oldingizga hozirgi poytaxtimizning oʻsha davridagi manzarasi jonlanadi. Shuningdek, ushbu asarni oʻqir ekansiz, xalqimiz ming yillardan buyon ardoqlab-eʼzozlab kelayotgan urf-odatlariga, mehmondoʻstchilik anʼanalariga, bagʻrikenglik va millatlararo totuvlik fazilatlariga guvoh boʻlasiz. Asarning badiiyligiga kelsak, undagi obrazlar xuddi hozirgi davr insonlariini ham eslatadi. Adib asar qahramonlari haqli ravishda ikkiga ajratgan: 1) Toshkentni shahrini qadimiy va ulugʻvor obidalarini, tabiiy kasni va daryolarini hisobga olgan holda qayta tiklamoqchi boʻlgan obrazlar; 2) qadimiy va ulugʻvor obidalarini hisobga olmagan holda yoki ularni yoʻq qilib yuborish hisobiga shaharni qayta qurmoqchi boʻlganlar. Bu muammolar hattoki bitta oila ichida, bir jamoaning ichida ham ancha koʻngilsiz voqealarni yuzaga keltirdi. 1966-yil Toshkentda boʻlgan zilzila asarning ichki badiiyligiga qay tarzda taʼsir koʻrsatgan? Asarda qaysi sababga koʻra shaharda munosabatlar boʻladi? Poytaxtimizning tarixiy obidalari va suv havzalarini saqlab qolishga intilgan obrazlar kimlar edi va gʻolib chiqishdimi? Toshkentni qayta tiklash jarayoni tufayli qaysi oilada ichki ziddiyat yuzaga keldi? Asar davomida bu oila saqlanib qoldimi yoki parokanda boʻldimi? Bu kabi savollarga asarni oʻqish davomida javob topasiz.