OLTIN KALIT Yoki BURATINONING BOSHIDAN KECHIRGANLARI

Aziz o'quvchilar, taniqli rus adibi Aleksey Nikolaevich Tolstoy qalamiga mansub qoʻlingizdagi “Oltin kalit yoki Buratinoning boshidan kechirganlari” ertak-qissasi jahon bolalar adabiyotining oʻlmas durdonalaridan biridir! Bu asar nafaqat badiiy kitob orqali, balki yurtimiz telekanallarida yiliga bir necha bor namoyish etilgan multfilm va videofilm orqali ham juda mashhur. Asarning bosh qahramoni Buratino orqali bolaligimizning sof va pokiza davrlari koʻrsatilgan. Shuningdek, asardagi Juzeppe obrazi orqali otalarning farzandi uchun hamma narsaga tayyorligi ifodalangan.