OLTIN ZANGLAMAS

XX asrning oltmishinchi yillaridan boshlab oʻzbek adabiyoti yangi davrga qadam qoʻydi. Bu davrga kelib shaxsga sigʻinish illatlarining qoralanishi adabiyot ahli ijodiga nisbiy erkinlik ato etdi. Ijodkorlarimiz oʻz asarlarida badiiylikka, qahramon ruhiyati qirra-larini haqqoniy tasvirlashga harakat qila boshladilar. Bundan ham muhimi urishdan keyingi qatogʻon siyosatining qurbonlari boʻlgan ziyolilar, adib va shoirlar ozodlikka chiq-dilar. Ularning ijodkorlik maqomi tiklanib, ijod bilan shugʻullanish imkoniyati paydo boʻldi. Ana shunday iste’dodli adiblarimizdan biri Shuhrat edi. Shuhrat ham koʻplab tutqunlar qatori erkinlikka chiqqach, «Oltin zanglamas», «Shinelli yillar» asarlarini yaratdi. Katta mehnat evaziga tayyorlangan «Oltin zanglamas» romani kitobxonlarga adib ijodining mukammal namunasi bilan tanishish imkoniyatini beradi.