OMONAT DUNYO

1999 yili «Sharq» nashriyotida «Oqar daryo oqmas» nomli hikoyalar toʻplami bosmadan chiqqan edi. Tez kunlar ichida bu kitob tilga tushib, jamoatchilik orasida mahbubimizda oʻzining ilk bahosini oldi. Ushbu kitobning muallifi – falsafa fanlari doktori, professor, Hamza nomidagi Davlat mukofoti laureati Tilab Mahmud edi. Mazkur muallifning qoʻlingizdagi yangi hikoyalar majmuasini birinchi kitobining badiiy-mantiqiy davomi desak boʻladi. Ularda oʻtgan asr va shu bugungi kundagi turli toifa odamlarning ruhiy kechinmalari oʻz aksini topgan. Odatda biz unchalik ilgʻamaydigan yoki eʼtiborsiz qoldiradigan holatlarni muallif taqdir taqozosi bilan uzviy bogʻlab, ularning yechimlarida falsafiy bir maʼno koʻradi.