O'N JANNATIY SAHOBA

Asxobi kiromlar Rasululloh sollallohu alayhi va sallamni tasdiq etdilar va johillikdan yuz burib, Islomga kirdilar. Ular tufayli Islom dini kuch-quvvatli bo'ldi, ravnaq topdi. Asxobi kirom roziyallohu anhumlar Qur'on va sunnatni mahkam tutib, o'zlaridan keyingi ummatlarga munosib tarzda yetkazdilar. Ularning ham orasida yana bir qancha ulug' zotlar borki, tarix kitoblarida ushbu sahobalarga nisbatan “Asharai mubashshara” nomi qo'llaniladi. Bu so'zning ma'nosi “xushxabar berilgan o'n kishi” deganidir. Ularga Rasululloh sollallohu alayhi vasallam tiriklaridayoq jannat xushxabarini berganlar. Ushbu kitob aynan yuqoridagi o'n sahobaning umr yo'llarini imkon qadar kengroq yoritishga, yosh avlod uchun munosib ibrat-namuna qilib ko'rsatishga bag'ishlangan asardir.