O‘N SAKKIZGA KIRMAGAN KIM BOR

Hech bir mavzu muhabbatchalik ko‘p qalamga olinmagan. Shuning uchun ham u turfa ko‘rinishlarda namoyon bo‘laveradi. Bir birini takrorlamaydi. „O‘n sakkizga kirmagan kim bor“ qissasi adabiyot olamiga muhabbatning butunlay boshqacha havosini ufurib kirdi. Sh. Xolmirzayev sevishni emas, balki sevgiga javob qaytara bilishni, inson muhabbatini o‘z qo‘li bilan poymol qilishi mumkinligini ko‘rsatib berdi. Qissada muhabbat yolg‘onga qurilgan hayotni hech qachon qabul qilmasligi, bunday hayotning to‘lovi nihoyatda og‘ir bo‘lishi ko‘rsatib berilgan.