Ona va Bola

Katta sharaf va masʼuliyat hisoblanmish onalikning bahosi farzandning nechogʻlik parvarish va tarbiya topganligi bilan oʻlchanadi. Oʻz oʻrnida har bir ona farzandining raso, komil inson boʻlib voyaga yetishini niyat qiladi. Bu niyat kimgadir hamroh boʻlsa, yana kimdir rasolikdan yiroqda qoladi. Nega? Bu taqdirmi yoki harakatlarimizning taʼsiri? Balki taqdirga oʻzimiz eshik ochayotgandirmiz? Homiladorlikning masʼuliyati nimada? Bu davrda ayol psixologiyasi nimalarga muhtoj boʻladi? Onalik va psixologiyaning mutanosibligi nimada? Farzandning erta tugʻilishi xavfmi, xursandchilik? Odatda chaqaloqlar dunyoga kelgach, dastlabki bir yil davomida qator kasalliklarga qarshi emlanadi, nega? Yuqoridagi savollarga javob tarzida tayyorlangan ushbu kitob nafaqat yosh onalarga, balki keng oʻquvchilar ommasiga moʻljallangan. Darvoqe, kitob yozilish jarayonida bir fikr diqqat markazimizda boʻldi: «Odam bolasiga ona boʻlish uchun ilm kerak, onalik ilmi kerak! Bu ilmni oʻrganish bir zahmat, uni qoʻllash yana bir zahmat!»