OQ KEMA

Ch. Aytmatovning «Oq kema» nomli ushbu qissasi nafaqat turkiy xalqlarning, balki butun dunyo kitobxonlari tomonidan sevib oʻqiladi. Asarning asosiy qahramoni Moʻmin cholning tabiatida ajdodlar tomonidan avlodlarga meros qoldirilgan urf-odatlarining qadrlanishi bugungi kunda ham oʻz ahamiyatini yoʻqotmagan. Chunki har bir xalq oʻzining mavjudligini faqatgina oʻziga xos urf-odatlar bilan isbotlay oladi. Asarning yana bir qahramoni — bola timsolida esa ezgulikka intilish, dunyoni faqat ezgulik orqali koʻrish kabi fazilatlar mavjud. Shuningdek, asarda hozirgi vaqtda ham uchrab turadigan bir qancha muammolar: oila notinchligi, farzandsizlik, ekologik muammolar badiiy usulda yoritilgan. Bunday muammolarni yechimini esa kitobxonlarning oʻzi ushbu asarni mutolaa qilish orqali topadilar degan niyatdamiz.