OQ KEMA

Chinakam oʻquvchi kitobni oʻqishga olgach, oʻzini kashf etadi, oʻzidagi yashirin isteʼdodni - hamdardlik, odamiylik isteʼdodini yuzaga chiqaradi. Agar baʼzi-baʼzida shu hol yuz beradigan boʻlsa, demak, kitob oʻz ishini bajaribdi - boshqalarning fikri, tuygʻusi, orzusi va xatti-harakatiga aylanibdi. Demak, u oʻquvchilarning inʼtilish va irodasi bilan nimalardir qila oladi - xalq, hayot va dunyoni yaxshi tomonga siljita biladi. Haqiqatdan ham Chingiz Aytmatov inson tuygʻularini zabt etgan yozuvchi. Uning har bir kitobi noyob sanʼat asari. Shuning uchun ham ijodkor dunyoning sevib oʻqiladigan 10 ta adiblaridan biridir. Uning yozganlari bugun yo erta oʻqiladigan asarlar emas, ular asriy asarlar, ularni qaysi zamonda oʻqishsa ham, xuddi oʻsha vaqtning oʻzida bitilgandek oʻqiladi. Yozuvchining bir gapi bor: «Men barchaga - gʻarbliqlarga ham, sharqliklarga ham birday taʼalluqli mavzularga qoʻl urishini istayman». Bizningcha, bu fikrni uning «barcha zamonlarga taalluqli» jumlasini ham qoʻshib oʻqisak, u yanada toʻkisroq boʻladi.