Oqqush, choʻrtanbaliq va qisqichbaqa

Ivan Krilov nomi nafaqat rus adabiyotida, balki butun jahon adabiyotida masalchilikning zabardast vakili sifatida eʼtirof etiladi. Maktab darsliklaridanoq oʻquvchilarga yaxshi tanish boʻlgan «Boʻri bilan Qoʻzichoq», «Tulki bilan Boʻri», «Tulki va uzum», «Oqqush, Choʻrtanbaliq va Qisqichbaqa» kabi mashhur masallari yillar oʻtsa-da, oʻz qiymatini yoʻqotmay, tildan tilga koʻchib kelmoqda. Krilov masallarida qahramonlar, asosan, hayvonlar, qushlar va oʻrmon jonivorlaridir. Jonzotlar oʻrtasidagi holatlarni qalamga olar ekan, ularni oynaga solib, aksida insonlarda uchraydigan qusur va kamchiliklar, bilib-bilmay yoʻl qoʻyadigan xatolar, hatto jamiyatda uchraydigan nohaqliklarni koʻrsatadi. Kitob oʻquvchilarni sergaklikka va ogohlikka oʻrgatadi, degan umiddamiz.