ORZULAR XIYOBONI

Yurtimiz mustaqilligining oʻttiz yillik toʻyi arafasida bir qancha taniqli adiblar, shuningdek yosh yozuvchilarning Vatan ona zamin, milliy tilimiz, ayni paytda qadriyatlarimiz, osori-atiqalarimiz ifoda etilgan sara hikoyalarini jamladik. Bir muqova ostida toʻplangan mazkur asarlar soni orttiril, mundarijasi tagʻin ham kengayishi mumkin edi. Biroq oʻquvchilar vaqti hamda toqatini inobatga olgan holda ushbu hikoyalar toʻplami bilan cheklandik. Umid qilamizki, adabiyotda tan olingan va eʼtiborga molik ushbu asarlar Siz aziz kitobxonlarni befarq qoldirmaydi.