Osmon ogʻushi

Asarda maktab oʻquvchisining Jizzax choʻllarida bugʻdoy koʻriklab, paxta terib yurgan yillaridayoq uchuvchi boʻlish orzusining amalga oshishi qalamga olingan. Asar qahramoni ming bir qarshilikka qaramasdan maqsadi sari dadil odimlashi va vaqt yetib oʻzi orzu qilgan uchuvchi boʻlishi ishonarli, taʼsirli qilib tasvirlangan. Oʻzbek yoshlarining hayotidagi bir koʻrinishi bilan ahamiyatga molik bu asar. “Gudbay Amerika” ushbu qissa boylik izlab, pul izlab dengiz ortiga yoʻl olgan vatandoshlarimiz haqida. “Keng imkoniyatlar” mamlakatidagi safarning ayanchli xotimalari, har joyning ham toshu tarozisi borligi, asli baxt Vatanda ekanligi haqida. Hikoyalarda asosan jizzaxliklarning turmush tarzi qalamga olingan. Biri dehqon, biri choʻpon, biri mirishkoru yana biri mirob. Bu odamlar Vatanga beminnat xizmat qilayotgani va xizmati evaziga taʼma qilmayotgani tasvirlangan.