OTAM – DAVLATIM, ONAM – JANNATIM

Mazkur risola inson hayotida OTA va ONA degan buyuk zotlarning oʻrni va mavqei haqidagi chuqur mulohazalarga chorlaydi. Farzand uchun eng katta baxt va muqaddas saodat, uning haqiga xayrli duolar qilib turuvchi, dunyosiyu-borligʻini berishga ham tayyor boʻlgan ota-onasining borligi va xayotligidir. Ota oilaning posboni va ustuni boʻlsa, ona uning xazinasi va borligʻidir. Muallif risolada padari buzrukori va volidayi muhtaramasining hayot yoʻlini xotirlab, ularning faoliyati va oʻgitlari haqida hikoya qilib, koʻplab hikmatlarni qayta kashf qiladi. Farzand uchun «oltin yombi»ni topish yaʼni ikki dunyo saodatiga erishishning eng qulay va oson yoʻli ota-onaning duolarini olish ekanligi toʻgʻrisidagi qarash hayotiy kechinmalar va umr saboqlari bilan dalillanadi. Risoladagi ijtimoiy, ilmiy-amaliy, ruhiy-maʼnaviy kechinma va xulosalar nafaqat muallifning oʻz avlodlari, balki butun millat yoshlari uchun katta ibrat maktabi boʻla oladi.