O'TAR QUSH NOLASI

Adabiyot bor ekan, kitobxon hamisha Aytmatov asarlarini o'ziga o'ta ehtiyoj sezavaradi. Turkiy dunyo vakillari ichidan Alisher Navoiyidan keyin besh yuz yil o'tib, faqat Aytmatovgina adabiyot cho'qqisiga ko'tarila oldi, deb yozgan qirg'iz adabiyotshunosi Rustan Rahmanaliyev ham shu jihatni nazarda tutgan bo'lsa, ajabmas. Xalqining qadriyat va an'analariga sodiq yozuvchi bu jihatlarni adabiyotga, o'z asarlariga olib kirdi. Va qirg'iz xalqining mardi, tant odamlarini dunyoga tanitdi. Adib bir qancha mavzuni bir vaqtning o'zida asarlarining bosh mavzusiga aylantirgan yuksak iste'dod sohibidir. Muhabbat, inson qadri, mehr, odamzotni ulug'lovchi fazilatlar Aytmatov ijodining gultojidir. O'zi ko'rgan, bilgan, boshidan kechirgan, qalbini o'rtagan hodisalarni jonli manzaralarda kitobxonga havola etish va uning muhabbatini qozonish oson bo'lmagani holda bu sharaf Aytmatovga nasib etdi. E'tiboringizga havola etilayotgan kitobga atrofidagi voqealardan, insonlar taqdiriga befarq bo'lmagan va shu mavzularni yozganlaridan jonkuyarlik bilan aks ettirgan Chingiz Aytmatovning hikoyalari jamlandi. Ularni aynan maktab o'quvchilariga taqdim etishdan murodimiz farzandlarimiz ham xalqiga, Vataniga sadoqatli bo'lsinlar, millatini dunyoga tanitsinlar.