O‘TMISH afsonalari

Mirkarim Osim (1907-1984) ijodi yurt tarixini, shonli oʻtmish sadolarini oʻzida aks ettirgan adabiyotdir. Zahmatkash adib shoʻro hukumatining qonsiragan qilichli milliylik, oʻzlik kabi tushunchalarni timdalab, yolgʻon tarix yaratilayotgan sertaziyiq davrda yashadi va ijod qildi. Uzoq muddatli hibsxonalarda ne-ne azoblarni boshdan kechirsa-da, Mirkarim Osim adabiyotga, adabiyot vositasida oʻzini mansub boʻlgan xalq tarixiga mudom sodiq qoldi, zamona zayliga oʻz iste'dodini almashmadi. Shu sababli ham haqqoʻy va millatparvar yozuvchimizning asarlarini har bir yangi avlod farzandlarimiz oʻqishi kerak. Ushbu kitobdagi asarlarning qayta nashriga shu ezgu maqsadda qoʻl urildi.