OYDAN TUSHGAN QIZ

Qoʻlingizdagi toʻplam oʻzbek adabiyoti rivojiga munosib hissa qoʻshgan adiba Saida Zunnunovaning eng yaxshi hikoyalaridan saralandi. Qalamkashning hikoyalarida inson koʻngliga iliqlik olib kiradigan yoqimli tasvir bor. Bu iliqlik hikoya qahramonlarining har bir soʻzida, bir-biriga boʻlgan mehrida sezilib turadi. Saida Zunnunova oʻz hikoyalarining tarbiyaviy tomoniga kuchli urgʻu beradi. Uning hikoyalarini oʻqigan har bir kitobxon oʻziga yetarli xulosalar chiqaradi. Adibaning fikricha xulqdagi kamolot – inson kamolotining debochasi. Yozuvchining hikoyalari ana shunday kamolotni kasb etishga chaqiradi. Ushbu toʻplamdan oʻrin olgan mehrning, insoniylikning sehridan soʻzlovchi hikoyalar mutolaasi sizga zavq ulashishiga ishonamiz.