OʻZBEKISTON RESPUBLIKASI BANK TIZIMI

Ushbu kitobda mamlakatimizda iqtisodiy islohotlar jarayonida shakllangan va xalqaro nufuzli moliya tashkilotlari tomonidan yuqori baho berilgan bank tizimi haqidagi keng qamrovli maʼlumotlar keltirilgan. Unda respublikamizning keyingi davrlarda eng zamonaviy talablarga javob beradigan bank tizimini shakllantirish va uni yanada rivojlantirib borilishi uchun amalga oshirilgan chora-tadbirlar xronologik tartibda yoritib berilgan. Kitobning asosiy qismida eng zamonaviy talablarga javob beradigan qonunchilik bazasini shakllantirish, milliy valyutani muomalaga kiritish, mustaqil pul-kredit va valyuta siyosatini yuritish, toʻlov tizimini takomillashtirish, bank tizimini malakali kadrlar bilan taʼminlash borasida amalga oshirilgan ishlar batafsil yoritilgan. Uning alohida bobi bank tizimida kichik biznes va xususiy tadbirkorlikni moliyaviy qoʻllab-quvvatlash maqsadida Markaziy bank tomonidan olib borilayotgan siyosatga bagʻishlangan. Kitob respublika bank-moliya tizimi mutaxassislari, oliy va oʻrta maxsus oʻquv muassasalari oʻqituvchilari va talabalari, tadbirkorlar, tadqiqotchi-izlanuvchilar, iqtisodiyot sohasi bilan qiziquvchilarga moʻljallangan.