Parij Bibi Maryam ibodatxonasi

1831-yilda dunyo yuzini ko'rgan «Parij Bibi Maryam ibodatxonasi» romani o'sha yilning o'zidayoq yetti marta qayta nashr etilgani bu asarning Fransiya ijtimoiy va ma'naviy hayotida ulkan voqea sifatida muhrlanganidan dalolat beradi. Yozuvchi tarixiy voqealar silsilasi orqali keskin va o'zgaruvchan davr manzarasini aks ettirarkan, unda barcha davrlarga xos umumiysoniy g'oyalarni, oddiy inson qismati, uning haq-huquq va erkinligini tarannum etadi; hukmdor tabaqa vakillari va dindorlarning g'ayriinsoniy qilmishlarini fosh qiladi, bir so'z bilan aytganda, ezgulik va yovuzlik kurashini yuksak badiiy mahorat bilan tasvirlaydi. O'zbek kitobxonlari oltmish yildan ziyod sermahsul ijod qilgan, ko'plab she'riy, dramatik va prozaik asarlar yaratgan adibning «Dengiz zahmatkashlari», «Xo'rlanganlar», «Klod Gyo» romanlari, «Shohona ishrat» dramasi hamda ayrim nutqlari bilan tanishgan, xolos. Quyida Viktor Gyugoning kitobxonlar e'tiboriga havola etilayotgan «Notre-Dame de Paris» («Parij Bibi Maryam ibodatxonasi») romani bu kemtikni qisman bo'lsa-da to'ldiradi, degan umiddamiz.