QADIMGI XALQLARDAN QOLGAN YODGORLIKLAR

Ushbu kitob XI asrda yashagan qomusiy olim Abu Rayhon Beruniy (973-1048)ning «Qadimgi xalqlardan qolgan yodgorliklar» («Osor al-boqiya») asarining arab tilidan o‘zbek tiliga tarjimasi. Mazkur kitobning o‘zbek tilidagi birinchi nashri 1968 yilda chop etilgan. Ushbu nashrda izohlar yangidan ishlanib, ko‘rib chiqilib, o‘rganilib, ularda tarixiy manbalar, aniq faktlarga oid hujjatlar keng eritildi. Asarda qadimgi xalqlarning, xususan, vatanimiz hududidagi sug‘dlar, xorazmliklar va undan tashqarida yashovchi musulmonlar, xristianlar, yahudiylarning bayramlari, urf-odatlari, turli mamlakatlarda hukm surgan podshohlar, imperatorlar sulolalari haqida qimmatli maʼlumotlar keltirilgan. Shuningdek, kitobda Beruniy tarjimai holiga, diniy-eʼtiqodiga aloqador materiallar ham berilgan. Kitob tarix va aniq fanlar tarixi bilan shug‘ullanuvchi mutaxassislar va, umuman, Markaziy Osiyo xalqlarining o‘tmishi hayoti, fani va madaniyati tarixi bilan qiziquvchi keng kitobxonlar ommasiga mo‘ljallangan.