QASHQADARYO: istiqlol arafasida

Vatanimizning istiqlol yoʻlidagi kurashlar tarixida Prezidentimiz Islom Karimovning Qashqadaryo viloyatidagi faoliyati davri (1986 – 1989 yillar) alohida oʻrin tutadi. Xalqimiz, millatimiz uchun oʻta ogʻir va murakkab oʻsha yillarda u Qashqadaryo eli bilan yelkama-elka turib, sobiq Markazdan yuborilgan qora kuchlarga qarshi mardona kurashgan, qonli qatagʻonlar yoʻliga gʻov boʻlib, qanchadan-qancha odamlarning hayotini saqlab qolgan, ularni zulm va zoʻravonlik, xoʻrlik va haqoratlardan himoya qilgan edi. Iqtisodiy-ijtimoiy jihatdan keskin muammolar girdobida qolgan viloyatning qaddini tiklab, uni rivojlanish yoʻliga olib chiqqan edi. Qoʻlingizdagi ushbu kitobda ana shu unutilmas voqealar haqida atroflicha hikoya qilinadi. Bugun istiqlolimiz tarixining yorqin bir sahifasiga aylangan oʻsha davr voqealari ularga bevosita guvoh boʻlgan, Islom Karimov bilan birga ishlagan odamlarning jonli xotiralari orqali bayon etiladi.