QATL MAROSIMIGA MARHAMAT

Nafaqat rus yoki ingliz, balki jahon adabiyotida oʻchmas iz qoldirgan Vladimir Vladimirovich Nabokov (1899–1977) asarlari «hazmi yengil» qabiladagi bitiklardan emas. Zero, u xoh hikoya, xoh roman yozsin, har birining toshli ogʻir. Misol uchun, birgina «Lujin himoyasi» romani yoxud «Qoʻngʻiroq» hikoyasini mutolaa qilishning oʻzi kifoya. Mazkur toʻplamga Vladimir Nabokovning «Qatl marosimiga marhamat» allegorik romani hamda sara hikoyalari jamlandi. Lev Tolstoy, Fyodor Dostoyevskiy, Ivan Turgenev, Ivan Bunin kabi rus klassiklari qatorida tilga olinuvchi Nabokovni oʻqir ekansiz, mahoratli adibning asari dastlabki sahifalaridanoq oʻz kuchini koʻrsatadi. Taʼbir joiz boʻlsa, undan ajralolmay qolasiz. Jiddiylik, bosiqlik va falsafaning ogʻir yuki ostida zigʻir donasidekkina yumor ham borligi va yozuvchi hayotning achchiq saboqlarini qatiga bunday kulgini naqadar ustalik bilan joylashtirganligidan zavq-shavqqa toʻlishingiz turgan gap.