Qissa, hikoya va ocherklar toʻplami

Oybek nasr va nazmni birgalikda olib borgan adib sifatida adabiyotimizda oʻziga xos oʻrin egallagan. Uning sheʼriyati koʻngilga qanchalik yaqin boʻlsa, nasri ham qalblarni shunchalik titratadi. Agar Oybekning qissa va hikoyalariga nazar tashlaydigan boʻlsak, ularning deyarli barchasida yosh avlodni ezgulikka, adolatga, haqiqatga chorlaydigan fikr-gʻoyalarga duch kelamiz. Masalan, “Bola Alisher” qissasida ulugʻ bobomiz Alisher Navoiyning bolalik davrini yoritgan. Bu qissada yosh Alisherning galbidagi ezgulikka, sheʼriyatga, adolatga boʻlgan muhabbatni yorqin satrlar bilan ochib bergan. “Fanorchi ota” hikoyasida esa yoshlar kattalarni hurmat qilishga, ularning mehnatini qadrlashga undaydi. Mazkur toʻplamdan oʻrin olgan boshqa hikoya va qissalari ham yuqoridagi kabi ezgulikka undovchi gʻoya va fikrlar bilan yoʻgʻrilgan. Marhamat, oʻqing, zavqlaning!