QISSALAR VA HISSALAR

Hurmatli kitobxon! Oʻzbek adabiyotida qadimiy rivoyat va ertaklarga sheʼriy shakl berib zamonaviy ruh bagʻishlagan holda mustaqil asar yaratish anʼanasi azaldan mavjud. H.H. Niyoziyning “Toshbaqa birla chayon”, “Maymun va najjor”, Shavkat Rahmonning “Ikki doʻst”, “Savdogar va toʻtiqush” kabi bir turkum asarlari buning yorqin misolidir. Oʻzbekistonda xizmat koʻrsatgan jurnalist Murod Kalonxon ham mazkur anʼanani davom ettirib, bir qator qadimiy rivoyatlarga zamonaviy ruh va nazmiy shakl berishga muvaffaq boʻlayotir. Qoʻlingizdagi kitobda muallifning ana shunday asarlaridan namunalar jamlangan boʻlib, u keng kitobxonlar ommasiga, ayniqsa, yosh avlodni oʻzbekona qadriyatlarimiz va odob-axloqlarimiz ruhida komil insonlar etib tarbiyalovchi zahmatkashlar uchun oʻziga xos tuhfa. Kitob, Siz aziz oʻquvchilarga manzur boʻlishiga hech shubha qilmaymiz.