Qoralama

So‘nggi yillardagi o‘zbek she’riyatida o‘z so‘zini aytishga intilayotgan, rang-tasvirli va chuqur his-tuyg‘uli, hassos ijodkor Oydinnisoning ushbu to‘plamidan uning yangi she’rlari o‘rin olgan. She’rlardagi falsafiylik, teran mulohaza, ruhiy tasavvurga har qanday o‘quvchining aql singirlari bardosh berishi mahol. «Qoralama»dagi she’rlarni tushunmoq emas, his etmoq, ohangni baralla qo‘shib emas, unsiz o‘qimoq lozim. Ana shundagina o‘quvchi shoiraning ko‘ngil degan tubsiz ummoniga sho‘ng‘iy oladi. Undan dard va iztirobga qorishiq injularni terib chiqadi. Shunday ekan, Siz azizlarga bu she’rlarni his qiling-da, ularga dosh bera olishga ulkan matonat tilaymiz.