Qoʻshchinor chiroqlari

Atoqli adibimiz Abdulla Qahhorning bizga qoldirgan badiiy merosi bugungi kunda ham oʻz ahamiyatini yoʻqotmagan. Uning choʻngʻ va zargarlik bilan yaratilgan har bir asarida boqiy haqiqat muhri va shukuri bor. Bunday zalvorli asarlar, shak-shubhasiz, yosh avlod ong-u tafakkurini boyitishda maʼnaviy kuch-qudratga ega bebaho merosdir. Yozuvchining oʻzbek adabiyoti va madaniyati rivojiga qoʻshgan ulkan hissasi eʼzoz bilan tilga oʻlinmoqda. Uning hikoya va romanlari bugungi kunda ham oʻz ahamiyatini aslo yoʻqotmagan. Abdulla Qahhor va uning ijodi haqida Abdulla Oripov: "Adabiyotimiz tarixida betakror siymolardan biri Abdulla Qahhor. Bu zoʻr adabiyotga kirib kelgan damlaridanoq soʻz sehrgari sifatida eʼtirof etilgandi. Abdulla Qahhor jahon adabiyotida ham eng taniqli yozuvchilar safida turadi", — degan boʻlsa, Ozod Sharafiddinov: "Abdulla Qahhor - ulugʻ inson va ulugʻ ijodkor edi. Shuning uchun hozirga qadar men oʻzimni uning shogirdiman deb atashga istihola qilaman. Negaki, uning shogirdlari boʻlish shu qadar sharafli, bu sharafga biz loyiqmizmi-yoʻqmi, Xudo biladi. Biz, yaʼni shogirdlari unga har qancha yaqin boʻlmaylik, orasida hamisha muayyan masofa boʻladi", — deya ulugʻlagan. Qoʻlingizdagi ushbu kitobdan oʻrin olgan — "Qoʻshchinor chiroqlari" romani Abdulla Qahhorning yana bir sanʼat asari sifatida yuksak baholangan. Asarda, xalqimizning qishloq xoʻjaligini jamoalashirish davridagi hayoti yoritiladi. Shuningdek, har qanday buyuk asarlarda boʻlganidek, bu romanda sevgi-muhabbat, doʻstlik, Vatanga sadoqat, iymon-eʼtiqod, mehnatkashlik, onaga mehr-muhabbat ulugʻlangan. "Ikki yorti bir butun" hikoyasida esa laganbardorlik hajv qilinadi. Marhamat, zavq bilan oʻqing.