QOVOQ SOGʻLIQ GAROVI

Eʼtiboringizga havola qilinayotgan ilmiy-ommabop maqolalardan iborat boʻlgan “Qovoq – sogʻliq garovi” toʻplami Toshkent tibbiyot akademiyasi xodimlari tomonidan tayyorlangan. Toʻplamda butun dunyo aholisi sevib isteʼmol qiladigan, yengil hazm boʻluvchi, turli xil ozuqalar va davolash xususiyatlariga boy, qadimiy sabzavot mahsulotlaridan biri boʻlgan qovoqning kelib chiqish tarixi, oʻsish joyi, geografiyasi, uning kimyoviy va biologik qiymati, davolovchi va parhezlik xususiyatlari, kosmetologiyadagi ahamiyati va undan tayyorlanadigan dori-darmonlar haqida maʼlumotlar berilgan. Ilova qismida qovoqdan tayyorlanadigan turli xil taomlar, pishiriqlar, ichimliklar, qovoqli salatlar va xorijiy qovoq taomlari tarkibi (resepturasi) koʻrsatilgan. Toʻplam keng kitobxonlar ommasiga tavsiya qilinadi.