RAVSHAN

Qoʻlingizdagi ushbu kitob, yaʼni "Ravshan" dostoni oʻzbek va turkman xalq ogʻzaki ijodiga mansub boʻlib ming yillar davomida xalqimiz baxshilari tomonidan kuylanib, elamiz tomonidan sevib tinglangan. Ravshan dostonining ushbu nussasi xalqimizning mashhur baxshisi Ergash Jumanbulbul oʻgʻli (1868-1937) tomonidan kuylangan va Hodi Zarif (1905-1972) tomonidan yozib olingan va nashrga tayyorlangan. "Ravshan" dostonida turkiy xalqlarning azal-azaldan imon-eʼtiqod, or-nomus, islom dinining va sof muhabbatning ulugʻlanishi yorqin ranglarda aks ettirilgan. Siz dostonni oʻqish davomida Ravshanning bobosi Goʻroʻgʻli'ning nevaralarining oʻzaro turmush qurishi uchun qilgan harakati va Ravshan Zulxumori izlab safarga chiqishi, Shirvon elidagi sarguzashtlari, uning Choʻpon podshohga qarshi turishi, Ravshanning iymon-eʼtiqodining qanchalik kuchliligi, Hasanxonning oʻgʻlini qutqarishga borishi, aka-uka kallarning Hasanxonga yordam berishi va oxir-oqibat Zulxumor va Ravshanning oʻzaro turmush qurishiga guvoh boʻlasiz. Shuningdek, siz ushbu dostonni oʻqish davomida xalqimizning bir qancha tarixiy va etnografik urf-odatlari, safar, aka-uka munosabatlari, iymon va eʼtiqod haqida maʼlumotlarga ega boʻlasiz.