Risq daraxti

Publitsistik asar, xoh u kichik qatra, tahliliy maqola yoki badiiy esse boʻlsin, tilining jozibasi, muallif fikrining salmogʻi va obrazli mushohadasi bilan oʻquvchi ongiga tez yetib boradi, uni jamiyat hayotida kechayotgan jarayonlarni qalban idrok etishga, tegishli xulosalar chiqarishga va ijtimoiy faollikka undaydi. Taniqli publitsist Ahmadjon Meliboyevning ushbu toʻplamiga jamlangan maqolalar mavzu va janr jihatidan rang-barang boʻlib, ulardagi kuyunchaklik sizning koʻnglingizda ham maʼlum mushohadalar paydo qiladi degan umiddamiz.