SEMİZ VA ORIQ

Jahon adabiyoti hikoyachiligini mashhur rus yozuvchisi Anton Chexov ijodisiz tasavvur qilish mushkul. XIX asrning soʻnggi choragida rus kitobxonlari eʼtirofiga sazovor boʻlgan yozuvchi hikoyalari XX asrning dastlabki yillaridayoq oʻzbek kitobxonlariga taqdim etildi. Abdulla Qodiriy va Choʻlpon ham tarjima orqali hikoyanavislikni aynan Anton Chexovdan oʻrgangan boʻlsa ajab emas. Adabiyotimizda hikoyachilikda beqiyos oʻringa ega boʻlgan Abdulla Qahhor tarjimalari esa Chexov ijodini oʻzbek kitobxonlariga tanishtirishda asosiy koʻprik boʻlib xizmat qildi. Mazkur toʻplamga yana qator tarjima hikoyalar ham kiritildiki, mazkur asarlar orqali Chexovning hayotiy va ijodiy saboqlaridan bahramand boʻlasiz.