SEN OʻN YETTI YOSHIMSAN

Yosh turk yozuvchilaridan biri Mirach Chag'ri Oqtosh o'zining «Sen oʻn yetti yoshimsan» nomli kitobi orqali oʻquvchilarini javobsiz va alamli ishq hikoyasi bilan tanishtiradi. Mazkur asar sevgi, ishonch, mehr-oqibat, sadoqat, rashk va oila haqida qisqacha kechinmalardan iborat. Mirach Zumra bilan futbol oʻyini chogʻida uchrashib, uni bir koʻrishdayoq sevib qoladi. Oʻshanda Zumra endigina 17 yoshda edi. Oilaviy hayotidan chuqur psixologik jarohatlar olgan Zumra Mirachning qalbida chuqur va unutilmas iz qoldiradi. Ikkalasi ham bolaligida otalari tomonidan tashlab ketilgani yoshlarning oʻzaro munosabatiga sezilarli ta'sir koʻrsatadi. Qoʻlingizdagi asarda yozuvchining samimiy muhabbati va koʻngil qoʻygan qizi bilan yoʻllari tutashmagani sabablari, tafsilotlari ta'sirchan tarzda hikoya qilingan.