She’rlar, hikoyalar, ocherk, drama, hajviya va kichik asarlar

Vatanining mustabidlar zulmidan ozod boʻlishini, millati farzandlarini sharafga toʻlganlar qatorida koʻrishni orzulagan xalqimizning qalbi uygʻoq farzandlari - «Jadid adabiyoti namoyandalari» bugun yana oʻz oʻquvchilari bilan yuzlashmoqda. Xalq maʼnaviyatini boyitish yoʻlida olib borilgan kurashlar, milliy matbuot, adabiyot va sheʼrning odamlar tafakkurini oshirishdagi ahamiyati haqida asarlarida kuyinib yozgan, bu borada fidoyilik koʻrsatgan, aloqibat, qatagʻonga uchraganlar haqida soʻz borarkan, Abdulla Qodiriy, Abdurauf Fitrat, Abdulhamid Choʻlpon, Abdulla Avloniy, Mahmudxoʻja Behbudiy, Munavvar qori Abdurashidxonov, Usmon Nosir, Isʼhoqxon Ibrat siymolari koʻz oldimizda gavdalanadi. Ular oʻz asarlarida koʻtargan muammolar hamon bizning qarshimizda boʻy koʻrsatib turibdi. Biz hamon «millatni uygʻotish uygʻonganlarning vazifasi» degan chorlovga munosib javob qaytarolganimiz yoʻq. Kitobxon «Jadid adabiyoti namoyandalari» ruknida tayyorlangan kitoblarimizni oʻqir ekan, oʻzini shu vatanning ongli fuqarosi, vatani va millati taqdiri uchun masʼul inson sifatida namoyon qilishga oʻzida jurʼat topadi.