SHIFOBAXSH TAOM TAYYORLASH SIRLARI

Ushbu kitob mutaxassis oshpazlar, qandolatchilar hamda keng kitobxonlar ommasi uchun moʻljallangan. Kitobdan koʻzlangan maqsad — zamonaviy ilmiy maʼlumotlar asosida inson organizmiga shifobaxsh taʼsir koʻrsatadigan, unga ulkan quvvoch bagʻishlovchi asal xossalarini tavsiflab berishdir. Binobarin, asal mustahkam sogʻliq, yuksak ish layoqati va faol, uzoq umr koʻrishni taʼminlab berishga qodir vositadir. Kitobda barkamollik, uygʻunlik va salomatlik sari yoʻl ochib beruvchi tabiatni anglashga yangicha yondoshuv ham bayon etilgan. Mazkur kitobdan oshpazlar, qandolatchilar va umumiy ovqatlanish sohasida mashgʻul boʻluvchi boshqa mutaxassislarga taʼlim berish va kasb oʻrgatishda oʻquv qoʻllanmasi sifatida foydalanilishi ham mumkin. U, shuningdek, ratsional ovqatlanish masalalariga qiziquvchilarga ham foyda beradi, degan umiddamiz.