SHIMOL SHAMOLI SHASHTI

Avstriyalik mashhur adib va jurnalist Daniel Glattauerning «Shimol shamoli shashti» romani dastlab 2006-yilda chop etilgan va kitobxonlar orasida qo‘lma-qo‘l o‘qilgan. O‘tgan vaqt ichida roman nafaqat nemis tilida muloqot qiluvchi xalqlarning sevimli kitobiga aylandi, balki butun dunyoda keng ommalashdi. Buning sababini tilshunos Diter Wunderlix, yozuvchi ushbu asarida inson aql-zakovatining nechog‘lik chegara bilmas ekanini bemisl so‘z tanlash qobiliyati orqali namoyish eta oldi, deya izohlaydi. Bir so‘z bilan aytganda, «Shimol shamoli shashti» – sehrli maktublar guldastasi. Ishonchimiz komilki, aziz kitobxon romanni mutolaa qilish davomida bu asar muhabbatning ilohiy tuyg‘u ekanini anglash uchun eng yaxshi vositaligini tushunadi.