Shosh va Iloq yoʻllarida

Kitob koʻp yillar mobaynida “Toshkent haqiqati” va “Tashkentskaya pravda” gazetalarida bosilgan maqolalardan iborat boʻlib, Toshkent vohasining qadimiy qarorgohlari boʻylab sayohat qilish imkonini beradi. Zero kitobga oʻtgan asr oʻrtalarida amalga oshirilgan ilmiy ishlar xulosalari, arxeologiya ekspeditsiyalari hisobotlari asosida Toshkent vohasi xalqi xotirasida saqlanib kelayotgan afsona va asotirlar jamlandi, u taʼbir joiz boʻlsa, muallifning qariyib qirq yildan ziyod muddat davomida koʻrib, his etgan tuygʻularining, taassurotlarining oʻziga xos inʼikosidir. Nazarimizda ushbu majmua koʻplab yangi tadqiqotlarga manba boʻlib xizmat qiladi. U keng kitobxonlar ommasi, elshunoslik, tarix, sohasiga qiziquvchilar, shuningdek, oliy oʻquv yurtlari tarix va etnografiyadan saboq olayotgan talabalar, ayniqsa, tadqiqotchilar uchun qimmatli qoʻllanma boʻladi, deb ishonamiz.