SHUM BOLA

G'afur G'ulom 1903-yilning 10-mayida Toshkentda, dehqon oilasida tug'ilgan. Uning she'riyati va nasrida o'zbek xalqi tarixi o'zining badiiy timsolini topgan. Yozuvchining ijodi rang-barang – she'r, qo'shiqlar, dostonlar, qasidalar, hikoyalar, qissalar. G'afur G'ulomning urushdan keyingi davrdagi ijodi o'zbek adabiyoti rivojida beqiyos o'rin tutgan. 1923-yildan G'afur G'ulomning adabiy faoliyati boshlanadi. She'rlar, dostonlar, ocherklar, hajviy hikoyalar va qissalari gazeta-jurnallarda chop etila boshlaydi. Ko'pgina she'rlarida sharq donishmandi – ota timsoli mavjud: "Sen yetim emassan", "Qayg'u", "Biri biriga shogird, biri biriga ustod", "Sizlarga – yoshlar", "Bahor taronalari" va boshqalar. "Netay" "Yodgor", "Shum bola" qissalari va "Mening o'g'rigina bolam" hikoyalarida chinakam xalq qahramonlari, milliyligimiz gavirlangan. G'afur G'ulom – tinchlik, do'stlik va xalq baxtining jo'shqin kurashchisi bo'lgan. Shoir tinchlik uchun kurashga bag'ishlangan to'plam yaratgan. Ulardan eng yaxshilari: "Dunyo minbaridan", "Yashasin, tinchlik!", "Bu – sening imzoing" va boshqalar. G'afur G'ulom 10-iyul 1966-yilda vafot etgan.