Sitsiliyalik

Shunday yuksak tushunchalar borki, ular ezgulik, olijanoblik, qadr-qimmat, oʻzaro ishonch, doʻstlik va sadoqatdir. Taassufki, bu yuksak mezonlarga qarama-qarshi oʻlaroq, inson qadrini toptash, aldov, firib, xiyonat kabi illatlar ham mavjud. Ochkoʻzlik, nafsga hirs qoʻyish, adovat, shaxsiy manfaat yoʻlida boshqalar hayotini izdan chiqarish ayrim kimsalarning tamoyiliga aylangan. Bundaylarni oʻzgartirish dushvor, ular har qanday holatda ham manfurligicha qolaveradi. Vaholanki, boshqalarga yordam berish, ogʻirini yengil qilish, ezgu ishlarni amalga oshirish, koʻngillarga yaxshilik urugʻini qadash shaxs kamolotini bekamu koʻst taʼminlaydi. Agar bu uning bir umrlik burchiga aylansa, chin inson boʻlib iz qoldiradi. Umid qilamizki, mazkur kitobdagi yaxshilik va yomonlik, ezgulik va razolat, adolat va qabohat, qahramonlarning hatti-harakatlari, qilmish-qidirmishlariga oʻzingiz xolis baho berasiz, muhtaram oʻquvchi!