SOG‘LOM UMURTQA – CHIROYLI QOMAT, MUSTAHKAM SOG‘LIQ

Umurtqa pog‘onasining inson tanasidagi ahamiyati beqiyos ekanligi shifokorlar tomonidan allaqachonlar tasdiqlangan. Umurtqa to‘g‘ri yurish, to‘g‘ri harakat qilish, qomat muvozanatini ushlashda tanadagi asosiy o‘zak hisoblanadi. Aynan umurtqa ichki a’zolarning me’yoriy faoliyati va chidamliligini belgilaydi. Umurtqa — sog‘lom hayot kechirishimizning ramzi bo‘la oladi. Ushbu kitobda o‘quvchilar e’tiboriga sog‘lomlashtirish usullariga asoslangan umurtqa faoliyatini tiklash va mustahkamlashning to‘liq kursi havola etilyaptiki, bunda mutaxassislar tomonidan ishlangan maxsus mashg‘ulotlarga kirishishdan avval har bir o‘quvchi o‘z organizmiga individual yondashishi, a’zolari salomatligi holatini aniqlashi tavsiya qilinadi. Shundan so‘ng shifokori bilan maslahatlashgan holda ma’lum mashqlar jamlanmasini tanlab, o‘z salomatligini tiklashi mumkin. Uzbilarmonlik bilan organizmga ortiqcha yuklama berish, bilib-bilmay a’zolarni zo‘riqtirish natijasida ayrim shikastlanish, kasallik va nuqsonlar orttirib olingan holatlar uchun muallif javob bermaydi. Kitob keng ommaga mo‘ljallangan.