SOHIBQIRON VA ALLOMA

Taniqli sharqshunos olim va yozuvchi Gʻulom Karimning mazkur toʻplami tarixiy mavzudagi uch qissadan iborat. «Karvon» tarixiy qissasi buyuk bobokalonimiz Mahmud Qoshgʻariyning yoshlik yillari haqida hikoya qiladi. «Turon qalqoni» dramatik qissasida qahramon sarkarda Temur Malikning ajnabiy bosqinchilarga qarshi kurashda koʻrsatgan jasorati tasvirlanadi. «Sohibqiron va alloma» dramatik qissasida esa 1401 yilda Damashq shahrida sodir boʻlgan tarixiy uchrashuv, yaʼni buyuk davlat arbobi sohibqiron Amir Temur va uning zamondoshi, ulugʻ alloma Abdurahmon Ibn Xaldunning muloqoti badiiy tarzda aks ettirilgan.