SOʻNA

Ingliz adibasi Etel Lilian Voynich (1864-1960) "Soʻna" romanida XIX asrda Italiyada yuz bergan voqea-hodisalari qalamga olgan. Asarni oʻqir ekansiz, yosh, oliyjanob bir yigitning izhor eta olmagan sof muhabbatiga, ruhiy azoblariga, oʻz e'tiqodi borasidagi shubha-gumonlariga duch kelasiz. Shuningdek, asarda ota va oʻgʻil oʻrtasidagi ham ziddiyatli, ham mehr-muhabbatli munosabatlar, doʻstlikka, vatanga sadoqat, ishonchga xiyonat, inson tili tufayli boshiga tushgan kulfatlar kabi oʻtkir syujetlar juda yorgʻin tasvirlangan. Romanni oʻqir ekansiz, beozor, samimiy, pok qalbli bir yigitning sovuqqon, manman, kibr-havoli, betgachopar, boshqalarni tanqid qilib rohatlanadigan badxulq inson qiyofasiga kirib qolganining sabablarini anglaysiz. Xoʻsh, Montanelli nima uchun Arturgʻa haddan tashqari mehribonlik qilar edi? Yoki Artur uning... "Yosh Italiya" qanday tashkilot? Artur nima uchun unga a'zo boʻldi? Arturing qamoqxona tushib qolishiga kimlar sababchi boʻldi va qanday ozod boʻldi yoki doʻstlarini sotdimi? Artur nima uchun oʻzini oʻldirmoqchi boʻladi? Soʻna kim? Uning maqsadi nima edi? Soʻna va Jemma nima uchun boshqalardan yashirincha ish tutishdi? Soʻna Jemmani sevarmidi? Martini Soʻna va Jemmaning oʻzaro munosabatlaridan nega hadiksirardi? Soʻnaning Montanelliga qanday xusumati bor edi? Montanelli, Soʻna va Jemmaning taqdiri nima bilan tugaydi? Bu savollarga asarni oʻqish davomida javob topasiz.