Stiv Jobs

“Dunyo daholari” ruknidan joy olgan mashhurlarning har biri oʻz yoʻli, tafakkuri, ixtirolari, olamshumul ishlari va hatto taqdiri bilan dunyoni oʻzgartirgan. Bu insonlar barchani hayratga soladigan, tasavvur va qiziqish uygʻotadigan ajoyib shaxslar boʻlib, ular bilan bogʻliq hayotiy hikoyalar oʻziga ohanrabodek tortadi. Shunday daholardan biri, shubhasiz, Stiv Jobs edi. Stiv Jobs (1955–2011) hayotlik davridayoq mashhurlikning eng yuqori choʻqqisini zabt etgan dunyoning noyob shaxslaridan biri hisoblanadi. U bu martabaga nafaqat axborot texnologiyalari va biznes olamidagi muvaffaqiyatlari, balki gʻayritabiiy isteʼdodli sharofati bilan erishgan. Uni dunyoni oʻzgartirgan olgan inson, uzoqni koʻra oluvchi daho, uchqur xayol sohibi, oʻz davrining ovoziga aylangan notiqlaridan biri deb ataydilar. Kitobda uning hayot yoʻli va faoliyati maroqli tarzda hikoya qilinadi va shu asnoda koʻplab muvaffaqiyat sirlari oshkor etiladi. Bolalar va oʻsmirlarga moʻljallangan ushbu bejirim tuhfa oʻquvchilarga manzur boʻladi degan umiddamiz.