SULTON JALOLIDDIN MANGUBERDI

Qoʻlingizdagi kitob Vatanimiz tarixining ogʻir va musibatli zamonlari – moʻgʻul bosqini va istibdodi davri voqealarini yoritishga bagʻishlangan. Romandagi voqea va hodisalar, personajlarning hatti harakatlari Xorazmday ulkan va qadim davlatning tanazzuliga sababchi boʻlgan Xorazmshoh va volidasi Turkon xotun obrazlari atrofida mujassamlashgan. Boshqa obrazlar esa ana shu ikki hukmdorning fojeali, dramatik qismatiga dinamik tarzda tutashadi. Ular shahzoda Sulton Jaloliddin, Temur Malik, Najmiddin Kubro va boshqalardir. Xalq qahramoniga aylangan Sulton Jaloliddin va Temur Malik qismati garchi, fojeali yakun topsada, ularning qahramonliklari avlodlar uchun oʻrnak va saboqdir.