TALVASA

Muhtaram kitobxon! Sizning eʼtiboringizga yozuvchi Tohir Malikning ushbu “Talvasa” (“Alvido, bolalik”ning yangi talqini) romanini havola etmoqdamiz. Asarda bir qator “shaytanat” olami vakillarining tuban va qabih ishlari, maʼno va maqsadsiz hayotlari haqida hikoya qilinadi. Asarni oʻqib boʻlganingizdan soʻng Shavkat, Akmal, Boʻron kabi asar qahramonlarining taqdirlari haqida emas, koʻproq ularning bu zulm olamiga yetaklab kelgan sabablar haqida mulohaza yuritishingizni istar edik. Koʻzga koʻrinmas zulm jar yoqasida hozir qancha yoshlar turishibdi? Ularni bu tubanlik olami nimasi bilan jalb qilyapti? Biz nima uchun jinoyat olamiga yaqinlashayotgan yoshlarning harakatlarini loqaydlik bilan kuzatib turibmiz? Har birimiz oʻzimizga shunday savol beraylik.